Innkjøpsordningane

Under innkjøpsordningane for litteratur kjøper Norsk kulturråd inn nye boktitlar for å sende dei vidare til norske folke- og skolebibliotek og til nokre undervisningsstader, sjømannskyrkjer og bibliotek i utlandet. Desse bøkene kjem i tillegg til dei titlane biblioteka sjølve kjøper inn over eigne budsjett.

Vi har i dag fem innkjøpsordningar for litteratur:

• Ny norsk skjønnlitteratur for vaksne  (ca. 200 titlar i 1 000 eksemplar)
• Ny norsk skjønnlitteratur for barn og unge (ca. 100 titlar i 1 550 eksemplar)
• Ny norsk faglitteratur for barn og unge (ca 20 titlar i 1 550 eksemplar)
• Omsett skjønnlitteratur for barn, unge og vaksne (ca. 100 titlar i 500 eksemplar)
• Ny norsk sakprosa (ca. 60 titlar i 1000 eksemplarer)

I tillegg har Norsk kulturråd ei innkjøpsordning for tidsskrift, som inneber at heile årgangen av inntil 15 kulturtidsskrift blir distribuert gratis til norske folkebibliotek.

Kor mange titlar som blir kjøpte inn av ny norsk skjønnlitteratur for vaksne og for barn/unge, varierer litt år om anna, ettersom alle bøker som er vurderte til å ha høg nok kvalitet, kjem med på innkjøpsordningane. Forlaga må allereie ha trykt og gitt ut bøkene før dei blir vurderte for innkjøp.

Når det gjeld fagbøker for barn og ungdom, omsett litteratur og sakprosa (såkalla selektive ordningar), er det øvre titteltalet bestemt på førehand, og innkjøpet gjort etter ei kvalitetsvurdering og deretter ei prioritering av dei beste bøkene.

For alle innkjøpsordningane gjeld særskilde retningslinjer. Eigne vurderingsutval er oppnemnde for å sjå til at dei påmelde bøkene er gode nok til å få statsstøtte, og at dei fyller krava ordningane set til sjanger. Vedtak om ikkje å kjøpe inn ei bok under dei to ordningane for ny norsk skjønnlitteratur kan klagast til eigne ankenemnder. Norsk kulturråd fatter då endeleg vedtak i saka. For dei selektive ordningane, der det er ei øvre grense for innkjøp, kan ein ikkje klage på anna enn sakshandsaminga.


Påmeldingsfristar og -skjema
For ny norsk skjønnlitteratur for vaksne og for barn/unge: 1. februar og 10. juni
For faglitteratur barn og unge: 15. mars
For omsett skjønnlitteratur: 1. mai og 1. november
For sakprosa: 1. mars, 15. mai, 1. september, 15. oktober og 1. desember

Frå og med 2009 tar Norsk kulturråd i mot elektroniske søknader til innkjøpsordningane (kun skjema, ikkje bok!). Sjå informasjonssidene for kvar einskild ordning for meir informasjon. Skjemaene treng ikkje å vere signerte.

Netto arkprisar 2009

Skjema for royaltyrefusjon bokmål.doc     Skjema for royaltyrefusjon bokmål.pdf

Skjema for royaltyrefusjon nynorsk.doc     Skjema for royaltyrefusjon nynorsk.pdf

Her finn du alle søknadsfristar for litteratur og tidsskrift 2008.

Påmelde og innkjøpte bøker

Sist endra: 21.12.09