Bokkategoriar

Ordningane gjeld ny norsk skjønnlitteratur for vaksne og for barn og unge. Omgrepa definerer vi slik:

Ny litteratur:

• Bøker utgitte av nolevande forfattarar. Posthum-regelen seier at bøker av forfattarar som har døydd i løpet av dei to siste åra, òg kan meldast på.
• Omarbeidingar av tidlegare utgitte bøker når dei står fram som i hovudsak nye verk.
• Dikt og noveller som alt har vore trykte i bøker, kan ikkje kjøpast inn i antologiar.

Norsk litteratur:

• Bøker utgitte på bokmål, nynorsk og dialekt.
• Utgivingar av samisk litteratur og bøker skrivne på eit anna språk enn norsk av forfattarar som bur i Noreg. Bøkene kan vere omsette til norsk så lenge originalutgåva kjem ut i Noreg.
• Tospråklege utgivingar på norsk og eit anna språk.

Skjønnlitteratur:

• Romanar, noveller, forteljingar, dikt, dramatikk i bokform (hørespel, skodespel og filmmanus) - for barn, unge og vaksne.
• Gjendiktingar av utanlandsk lyrikk og skodespel i bunde form, men ikkje frå skandinaviske språk.
• Gjendiktingar frå dansk og svensk berre under innkjøpsordninga for barne- og ungdomsbøker.
• Memoarar, biografiar og bøker som Nasjonalbiblioteket klassifiserer som av "blandet innhold", med dikterisk preg. 

Sist endra: 23.03.10