Kulturrådet gratulerer med pris!

Moldensaren vann i klassen for beste internasjonale serie i amerikansk utgåve, med ekstra nominasjon for fargeleggaren, franske Hubert. Albumet har også fått pris for beste manus, på Angoulêmefestivalen, og Best Graphic Novel of The Year (Entertainment Weekly). Det er Latinarkvarteret i Paris i 20-åra som er ramme for forteljingane, og i Hemingways gjeng finn vi kjende figurar som James Joyce, Gertrude Stein, F. Scott Fitzgerald o.a. - men i jasonsk versjon er dei alle serieskaparar.

Også i 2003 var Jason nominert til denne høgthengande prisen, for albumet Vent litt.../Wait a little....

Han er så langt utgitt i 15 land, og på ni språk - blant anna Koreansk.
 I rekkja av prisar Jason har henta for seriane sine her heime, finn vi Sproing, Brage og Kultur- og Kirkedepartementets teikneseriepris for barne- og ungdomslitteratur 2004. Utgivarar er Schibsted Forlagene og Jippi.

Og vi ser ikkje bort ifrå at Jason undervegs har hatt nytte av Norsk kulturråds støtteordningar for nye norske teikneseriar, der han har utmerka seg som ein av dei mest trufaste og seige søkjarane, m.a. med hefteserien Mjau Mjau (12 utgåver).

På 2000-talet har fleire av dei meir barnevennlege bokseriane hans også nådd folke- og skolebiblioteka, gjennom innkjøpsordninga for skjønnlitteratur. Men dei fleste arbeida hans er retta mot eit vakse publikum, ikkje minst det nyaste albumet: Jeg har drept Hitler. At albuma hans no kjem ut i Frankrike før dei når norske lesarar, seier litt om nivået til denne kunstnaren. 

Les og artikler frå Dagbladet: Jason fikk tegneserie-Oscar og Jason hos USA-fansen

Bilete: Utsnitt frå omslaget til serien Hemingway