Egget i Volda

Egget er teikna og planlagd som eit konsert-, opptaks- og visingslokale som kombinerer ulike etterklangstider, tredimensjonal lydkjeldeplassering og planetarievising. Med eit samla areal på 1600 m2 skal Egget innehalde ein høgteknologisk sal med plass til 350 personar, ein mindre kammerkonsertsal, korøvingsrom og individuelle opplevings- og simulatorrom. Eit musikkbasseng skal omslutte salen, og mogleggjer visingsflater både i botn og tak.

-Arkitektoniske romløysingar med mobile veggar, avanserte teknikkar for audiovisuelle uttrykk og vatn skal saman skape ein unik arena der både profesjonelle kunstnarar, barn og publikum kan utforske nye kunstuttrykk, fortel Magnar Åm, komponist og ein av drivkreftene i prosjektet.

Akustikken har ein sentral plass når Egget skal utviklast. Tre akustikkfirma (Brekke og Strand, Arup og Cowi), NOTAM og Lindberg Lyd er nokre av lydekspertane som Egget Eigedom AS skal samarbeide med undervegs i prosessen.

Den planlagde byggestarten er i desember 2009.

Lenke til InnOvata
Heimeside Magnar Åm

 Bilde: Illustrasjon av prosjekt Egget: Medplan Arkitekter AS