Teaterets relasjoner

Hovudstadsmuseet har tatt initiativet i lys av behovet for ei revitalisering av samlingane ved Teatermuseet. Konkret er det snakk om ei fullstendig registrering og kartlegging av behov for konservering knytta til eksisterande gjenstandar, fotografi og bøker. I tillegg er det lagt vekt på å samle inn nytt materiale gjennom intervju og videodokumentasjon. Denne delen av prosjektet vil gje formidlinga ved Teaternuseet eit breiare og meir relevant samtidsperspektiv. Prosjektet som heilskap skal danne grunnlag for ein utstillings- og formidlingsplan for museet.

Parallelt med det museale prosjektet er det skipa eit reint forskingsprosjekt i regi av Universitetet i Oslo. Søknaden om støtte til dette prosjektet er retta mot Noregs forskingsråd. Båe prosjekta har same formål: Å utvide kunnskapen om scenekunstfeltet i samtid og nær fortid, med særleg vekt på det prosessuelle, altså produksjonsprosessen, og det relasjonelle, dvs forholdet mellom aktørar og mellom teater og samfunnet utanfor. I lys av den felles målsettinga, skal dei to prosjekta ha felles referansegruppe.

Foto: Teatermuseet - Christiania Gamle Rådhus fra 1641