Moder Afrika
"Moder Afrika" er ei vandreutstilling om temaet moderskap i afrikansk kontekst, produsert av Kerr Museum Production i New York. Utstillinga omfattar rituelle objekt, 52 eldre og yngre afrikanske skulpturar i tre og bronse, og poesi om moderskap frå Afrika og afrikanarar utanfor Afrika.
Med vandreutstillinga følgjer ein 200 siders katalog på engelsk og fransk, lærarguide og anna formidlingsmateriale. Utstillinga er tidlegare vist på Schomburg Center for Black Studies i New York, på Tenerife og i Madrid. "Moder Afrika" vil bli vist på Center for Afrikansk Kulturformidling (CAK) i Oslo i november 2005.
CAK har som føremål å formidle afrikansk kultur og afrikanskrelaterte kulturar i Noreg og stimulere til kontakt mellom nordmenn og afrikanarar gjennom kurs i afrikansk dans, aktivitetsdagar, konsertar og utstillingar. Norsk kulturråd gir 100 000 kroner til vandreutstillinga.