Utlysing av Norsk kulturfond 2009

Norsk kulturfond har til oppgåve å stimulere nyskapande kunst- og kulturaktivitet, og formidle kunst- og kulturverdiar til så mange som mogleg. Norsk kulturråd fordeler midlane ut frå fagleg og kunstnarleg skjøn i samsvar med formålet til Kulturfondet.

Privatpersonar, organisasjonar og ulike institusjonar kan søkje tilskot innanfor områda litteratur og tidsskrift, musikk, biletkunst og kunsthandverk, scenekunst, kulturvern, barne- og ungdomskultur, rom for kunst/kulturarenaer, tiltak med tverrfagleg innhald og andre tiltak som kjem inn under fondet sitt formål. Det blir lagt vekt på tiltak som medverkar til å realisere eit kulturelt og kunstnarleg mangfald.

Søknaden må innehalde ei framstilling av prosjektet, budsjett og finansieringsplan. Ein må søkje før tiltaket er sett i gang. Ein kan ikkje få stipend, stønad til utdanning eller reisestønad. Frå Kulturfondet blir det heller ikkje gitt stønad til ordinær drift av institusjonar og organisasjonar.

For mange ordningar er det særskilde søknadsfristar og eigne søknadsskjema. Her finn du Søknadsfristar/ og søknadsskjema  og her finn du søkjarrettleiing. Du kan også ta direkte kontakt med administrasjonen.
Kulturrådet behandlar søknader utan særskilde søknadsfristar gjennom heile året. Søknadar som er sende innan den 1. desember 2008 vil bli behandla seinast på første fordelingsmøte i rådet 2009, førebels fastsett til siste halvdel av mars.

For meir informasjon sjå  www.kulturrad.no, eller ta kontakt pr. e-post post@kulturrad.no eller telefon nr. 22 47 83 30.

Fullstendig søknad skal sendast til: Norsk kulturråd, Postboks 101 Sentrum, 0102 Oslo