Kulturmelding for Den norske kirke

Det er då sjølvsagt fleire møtepunkt med Norsk kulturråds ansvarsområde, og det er positivt at meldinga talar for eit ope og samhandlande syn når det gjeld kyrkjeleg engasjement på kunst- og kulturområdet. ”Et kirkens senter for skapende og utøvende kunst” som kontaktpunkt for kunstnarar og kulturarbeidarar som søkjer samarbeid med kyrkja vil vonleg medverke positivt i eit samarbeid på kunst- og kulturområdet.

Norsk kulturråd har særskilt merkt seg korleis meldinga er oppteken av bruken av kyrkjerommet i kunstnarlege samanhengar, både som konsert- og visingsstad og også som øvingsstad for musikk og scenekunst med dansekunsten særskilt nemnd. Det er positivt at meldinga målber ei open halding der det primære ikkje er å setje grenser, men å vise kunstnarane tillit i det ansvaret dei får for forvalting av kyrkjerommet. Det er også interessant å sjå dei sams utfordringane når det gjeld arrangørkompetanse og -nettverk.

På musikkområdet er det mange møtepunkt mellom kyrkja som kulturarena og Kulturrådets ansvarsområde. Framlegget til revidert nasjonalbudsjett følgjer no konkret opp Stortingsmelding 48 (2002-2003) Kulturpolitikk fram mot år 2014 med ei ny ordning for kyrkjemusikk med Norsk kulturråd som forvaltar.