Nytt Kulturråd frå 1. juli

Nytt Kulturråd skal oppnemnast innan 1. juli. Samansetjingen av rådet kan summerast opp i følgjande punkter:

 
• Talet på rådsmedlemmer i Norsk kulturråd blir redusert til 10 personar
• Oppnemning av rådsmedlemmer skal skje ut frå kunst- og kulturfaglege kriterium
• Kongen nemnar opp alle medlemmer etter framlegg frå Kultur- og kyrkjedepartementet
• Rådet må vere sett samen breitt geografisk
• Oppnemning gjeld for fire år. Oppnemninga skal vere rullerande slik at halvparten av medlemmene oppnemnes annakvart år

I endringa av forskrifta, som blei vedteken i statsråd den 19. juni, bir det lagt opp til ei mellombels ordning der halvparten av medlemmene i rådet blir oppnemde frå 1. juli til 31. desember 2009, og den andre halvparten frå 1. juli 2009 til 31. desember 2011. Vidare blir medlemmene oppnemde for fire år i gongen, med fem personar annakvart år.

Gjennom å leggje vekt på medlemmenes kunst- og kulturfaglege bakgrunn ved oppnemning, vil Norsk kulturråd kunne utgjere viktig komplementær kompetanse i forhold til statleg, regional og lokal kulturforvaltning, heiter det i Kulturkomiteens innstilling, som blei vedteken i Stortinget den 16. juni.

Det sitjande rådet hadde sitt siste møte 8. - 9. juni. Det blei løyvd  tilskot til mellom anna fri scenekunst, Kunstløftet for barn og unge og prosjektstønad innan alle fagområde.

Lenker
Forskrift om endringer i forskrift 27. august 1965 nr 3554 for Norsk kulturråd
St. prp. nr 65 Endring av reglene om oppnevning og sammensetning av Norsk kulturråd
Kulturkomiteens innstilling
Offisielt frå Statsråd 19. juni 
Liste over løyvingar, møte i Kulturrådet 8.- 9. juni

 
 
Relaterte artikler:

Endringer i Kulturrådet 
Rådet er prolongert

Bilde: Norsk kulturråd 2005 -30.06. 09. Foto: Mari Johansen/Norsk kulturråd