Eikemo hedret med Norsk kulturråds ærespris

Jon Eikemo har fått Norsk kulturråds ærespris for 2007. Æresprisen vert delt ut kvart år til ein person som har gjort ein vesentleg innsats for norsk kulturliv.

Skodespelaren, revyartisten og litteraturformidlaren Eikemo får prisen for å ha gjort teater til ei sak for folk flest. Prisen er på 500.000 kroner. - Fordi inga oppgåve har vore for stor eller for liten, har Eikemo lukkast i å få ut si kvalitetskunst til eit breitt publikum over heile landet. Han viser at det er mogleg å bruke sitt eige språk på scena, heiter det i Kulturrådets grunngjeving.

- Orda har stor plass i Jon Eikemo si formidling. Å formidle ordkunst slik Eikemo har gjort i snart femti år, er ein ærespris verdig, ikkje minst fordi han har gjort ordkunsten viktig for så mange. Han representerer heile breidda av kunstnarlege uttrykk i nynorsk scenekunst - frå Brecht til Sande, seier Kulturrådets leder, Vigdis Moe Skarstein.