Bildebokhelg på Litteraturhuset

Kulturrådet og Bokhandlerforeningen starta i 2007 eit samarbeid for å gjere bokhandlarar og publikum betre kjent med dei nye norske bildebøkene: Med BLA-kampanjen sette vi fokus på fem av bøkene som kom ut i fjor, og var retta mot dei store bokhandelkjedane og deira medarbeidarar ute i barnebokavdelingane.

No i vår følgjer vi dette opp med ei heil bildebokhelg på det nye Litteraturhuset i hovudstaden, 12. og 13. april, retta mot dei som bøkene er for, barna - og mot dei som kjøper bøkene til barna. Her vil vi presentere mange bøker, både dei som er gitt ut siste året og smakebitar på det som kjem framover.

 - På denne måten håper vi at fleire kan få kjennskap til og glede av den store rikdommen av forteljingar i ord og bilde som finst i vår tid, og få hjelp til å finne nye klassikarar å dele med barna - ved sidan av dei gode gamle, seier Tove Bakke i Kulturrådet.

I forkant av arrangementet vil vi også halde eit informasjonsmøte for bokhandlarar den 11. april, med påmelding gjennom Bokhandlerforeningen.

Program:
Fredag 11. april:
kl. 10.00 informasjonsmøte for bokhandlarar

Laurdag 12. april
kl. 12.00: Liv på laurdag
kl. 13.00: Foreldrefri
kl. 14.30: Allalderbøker og andre bildebøker

Søndag 13. april
kl. 13.00: Bildebokbesøk

Kontaktpersoner i Norsk kulturråd:
Tove Bakke, tlf. 41 32 98 64
Janne Stang Dahl, tlf. 22 47 83 51

Vedlegg: BLA brosjyre