Rytmisk øvingsfelleskap i Bergen

Planen er å byggje nye produksjonslokale med studiotilbod, og prosjektet omfattar totalt 24 rom. Tilskotet går til forprosjektering og første etappe av bygginga. Bygget skal òg bli eit tverrkunstnarleg musikksenter og ein møteplass på tvers av musikalske sjangrar.

BRAK er interesseorganisasjonen for det rytmiske musikkmiljøet i bergensregionen. Det er stor trong for fleire øvingslokale i Bergen og denne satsinga er ein lekk i profesjonalisering av miljøet og blir sett som ei investering i den heilskaplege verdikjeda til musikkbransjen.

Musikkverkstadsordninga har bidrege med kompetanse og ein million kroner til første del av prosjektet. Trikkestallen i Trondheim og Vørterhuset i Oslo er tilsvarande øvingsstader og har vore modellar for prosjektet i Bergen.